Algengar spurningar

FAQ

Hvað er straumur?


Straumur er mældur í amperum og segir til um aflgetu rafstrengs, hleðslustöðva og annars rafbúnaðar




Hvað er álagsstýring?


Álagsstýring er búnaður sem deilir því rafmagni sem til er á milli hleðslustöðva og kemur þannig í veg fyrir að rafmagn hússins slái út á álagstímum.




Hver er munurinn á 1 fasa og 3 fasa stöð?


1 fasa stöðvarnar (3,7-7,4KW) flytja afl á einum fasa sem er algengasta rafkerfið á heimilum. 3 fasa stöðvar (11-22KW) geta gefið frá sér þrefalt meira afl því þá dreifist straumurinn á milli þriggja aflleiðara og þá þarf rafkerfi hússins að bjóða upp á þriggja fasa rafmagn. Oft er það boði í sameignum fjölbýlishúsa og í fyrirtækjum.




Hvað er heimtaug?


Heimtaug er rafmagnskapallinn sem liggur inn í hús og tengir það við rafveituna. Heimtaugin hefur ákveðið straumþol sem mælt er í amperum.




Hvað er IK staðall?


IK er staðall sem segir til um höggþol búnaðar.




Hvað er IP staðall?


IP er staðall sem segir okkur til um þéttleika rafbúnaðar gagnvart ryki og vatni. Fyrri tölustafurinn segir til um hversu lokaður rafbúnaðurinn er gagnvart aðskotahlutum td. ryki og öðru efni. Seinni stafurinn segir til um þéttleika rafbúnaðar gagnvart vatni.




Hvað er kW?


kW (kílówatt) er mælieining fyrir rafafl og er margfeldi straums og spennu. Hleðslustöðvar sem hlaða með 7,4 kW afli, hlaða 7,4 kWstunda orku á klukkustund, svo lengi sem búnaður bílsins getur tekið við því. Ef bíll er með 40 kWh rafhlöðu þá ætti það að taka tæpa 5 og hálfa klukkustund að fullhlaða bílinn ef rafgeymirinn er nánast tómur.




Hvað er MID vottun?


MID er staðall sem segir til um mælinákvæmni orkusölumælis og MID mælar hafa þá nákvæmni sem krafist er við sölu raforku.




Hvað er RFID?


RFID (Radio Frequency Identification) er rafrænn auðkennislykill/flaga sem nýttur er til að stýra aðgangi að hleðslustöðvum.




Hvað er Schuko?


Schuko er hefðbundin rafmagnsinnstunga sem má finna á sumum hleðslustöðvunum sem við bjóðum upp á. Tengillinn er til dæmis hentugur ef stinga þarf ryksugu í samband við þrif á bílnum.




Hvað eru skýjalausnir?


Skýjalausnir eru lausnir sem bjóða upp á að stöðin tengist við svokallað ský sem getur tengt stöðvar saman, geymt upplýsingar og gert notandanum kleift að sjá yfirlit yfir hleðslulotur sínar á netinu í tölvu, farsíma eða spjaldtölvu. Flestir framleiðendur bjóða upp á app með skýjalausnum.




Hver er munurinn á Type 1 og Type 2 snúrum?


Til eru tvær tegundir af tengjum sem notuð eru við hleðslu rafbíla. Flestir bílar sem komu frá Asíu og Ameríku eru með Type 1 en flestir aðrir bílar á markaðnum koma með Type 2. Nánari upplýsingar af vef EVBox





Vörulisti

Charge Amps

EVBox

Ískraft

​Johan Rönning

Samfélagsmiðlar

  • Black Facebook Icon
  • Black Twitter Icon
  • Black Instagram Icon
calendar-rafbox_blue_icon.png

© Rafbox ehf. 2020